Manchester City star Kyle Walker chuan Arsenal in Premiere League nomawi chawi lo se tih a duh a, a chhan chu a club hlui Tottenham Hotspur vang niin a sawi.
Hriat angin Kyle Walker hi Tottenham lamah kum 8 chhung teh meuh mai hun a hmang ve hman a, seniar tan game 227 lai mai a khel ve hman a ni. Tun season khelh mekah hian tuna a team CIty, Liverpool leh Arsenal te chuan Premiere League nomawi an inchuh dawn niin a lang.
Title race chungchangah Kyle Walker hi zawhna zawh a ni a, Arsenal in nomawi an chawi ai chuan Liverpool in nomawi an chawi lai hmuh a duh zawk thu a sawi chhuak.
Hei mai bakah kum 33 a upa Kyle Walker chuan Arsenal chu Pep Guardiola assistant manager Mikel Arteta hnuaia awm anih thu a sawi tel bawk.
“A na dawn hle, Arsenal in nomawi an chawi hi ka duh lo, a chhan chu Tottenham vangin a ni. Arsenal hian an manager atan kan assistant coach Arteta annei a, Oleksandr Zinchenko an lak mai bakah Gabriel Jesus an la lut bawk. Anni hi ka zah viau e, tunah chuan team tha tak anni tawh.” tiin a sawi.
(Tottenham hming a sawi lan chhan dang hmuh tur a awm lo)
Walker hi Sheffield United youth rank atanga rawn chawr chhuak a ni a, mahse, Tottenham Hotspur atangin a rawn lar chhuak tan a ni. Kum 2009 atanga 2017 chhung khan Tottenham-ah hian hun a hmang a ni.
Kum 2017 khan Manchester City a zawm a, City a pan hnuah trophy 16 lai mai a chawi tawh a, tah hian Premiere League nomawi 5 leh UEFA Champions League nomawi 1 a tel bawk.
