Manchester City attacker Phil Foden chu tunhnai lawk khan City manager Pep Guardiola chuan Lionel Messi nen a khaikhin a, Pep hian Messi ang thovin Foden hi a fak ve a ni.
March ni 2 khan Man City chuan Man Utd chu Etihad Stadium-ah an hneh a, Phil Foden hian goal 2 a khung nghe nghe. A chet danah Pep pawh alawm hle a, Foden chet dan a fak.
Guardiola chuan Phil Foden chu Barcelona legend Lional Messi nen ti hian a khaikhin.
“Player tha chuan tha takin a khel thei, mahse, game khelhah hnehna chan a ngai, tunah chuan Messi ang player ka hmu ta. Game-ah hnehna a chan pui thei, Messi nena khaikhin hi ka duh lo, a chhan chu Phil hi Messi level angah a awm lo, mahse hnehna chan theih nana player pawimawh tak a ni ziah” tiin Pep Guardiola chuan a sawi.
Hemi chungchang hi Foden chuan chhang letin, “Messi nen chuan tumah hi khaikhin theih a ni lo, ani chuan khawvel dang hlak a nei. Mahse, manager atanga fakna thu dawn chu a mak dangdai hle” tiin a sawi.
Tun season khelh mekah Foden hian inelna hrang hrangah match 40 a inlan tawh a, goal 18 a khung mai bakah assist vawi 10 a nei tling a ni. Pathianni zan khian Man City chuan Anfield an tlawh dawn a game hmuhnawm tak a ni ngei ang.
