Chelsea chuan an striker Romelu Lukaku chu summer transfer lo awm turah £37 million aia tlemin hralh an tum niin report in a tarlang.
2021 khan Inter Milan atangin Chelsea chuan Lukaku hi £97.5 lai maiin an la let anih kha. Inter Milan tan inelna hrang hrangah match 44 a inlan atangin goal 15 chiah a khung a, season hmasa khan loan bawkin Inter Milan lamah hian a khel leh ta a ni.
Summer transfer hnuhnung berah khan AS Roma chu loan in a zawm leh a, inelna hrang hrangah match 35 a inlan atangin goal 18 a khung a, assist vawi 4 a nei tling bawk. A bik takin Roma manager thar Danielle De Rossi hnuaiah a che tha ang reng a, game 10 a khelh atangin goal 4 a khung tawh a, assist vawi 4 a nei tling.
Calciomercato tarlan danin Lukaku leh a chhung te hian Roma lama khawsak chhunzawm an duh a. Hetihlai hian Italian club lam pawhin £37 million in lei theihna annei ve bawk. Mahse, Roma hian hei aia hniam zawka lak theihna annei bawk a, £30 million velin Roma hian lak luh an duh a, Chelsea pawhin hei hi an pawm tawh niin an tarlang.
Lukaku hian Chelsea-ah hian kar khatah £300,000 lai mai a hlawh a, Roma a zawm anih chuan 37.5 lai maiin a hlawh a hniam dawn a ni.
Roma hi sum lamah harsatna te an tawk ve deuh a, Lukaku hi summer lo awm turah lak luh tum viau mahse, an la lo thei tho bawk a. Thlir zel phawt ang.
