Van Dijk, Terry nge Ferdinand? Liverpool legend Carragher’an Premiere League history-a defender tha a tih ber a sawi

Liverpool icon Jamie Carragher chuan Premiere history-a defender tha a tih ber a sawi a, John Terry leh Ferdinand thlang lovin Virgil van Dijk chu Premiere League history-a defender tha ber anih thu a sawi chhuak.

Carragher leh Arsenal hero Thierry hi Sky Sports buatsaih ‘Winner Stay On’ tihah an inkawm a, Premiere League history-a defender┬átha an tih ber chungchang an sawi.

Advertisements

Liverpool defender hlui Carragher hnehah defender thlan tur Ricardo Carvalho, John Stam leh Tony Adam te hming pek a ni a, mahse, Carragher chuan Adam aiah Terry hming sawi chhuakin, Ferdinand hming a sawi lang bawk.

Defender tha tak tak hming lang mahse, Carragher chuan England lama a teammate hlui pahnih aiin Van Dijk chu Premiere League history-a defender tha ber anih thu a sawi.

“Virgil van Dijk hi a tha ber, pace a nei tha ber a ni” tiin Carragher chuan a sawi.

Kum 32 a upa Van Dijk hi Anfield lamah kum 7 lai mai hun a hmang ve tawh a, major trophy 8 lai mai chawi ve tawhin, hetah hian UEFA Champions League leh Premiere League nomawi pawh a tel a ni.

Fans te chuan Terry emaw Ferdinand hi Premiere League history-a defender tha ber angah an ngai mai thei. Terry defence na hnuaiah 2004-05 season Premiere League-ah khan Chelsea lamin goal 15 chiah an chhuah, hei hi record a ni.

Chelsea tan inelna hrang hrangah match 717 inlanin, Major trophy 17 lai a chawi a, tah chuan Premiere League nomawi 5 leh Champions League nomawi 1 a tel bawk.

Chutiang bawkin Ferdinand pawhin United tan inelna hrang hrangah match 455 inlanin, major trophies 15 lai chawi vein, Champions League nomawi 1 leh Premiere League nomawi 6 lai a chawi a ni.

Premiere League history-a defender tha i tih hming tunge ni ve le?

Scroll to Top