Klopp’an Guardiola chu khawvel manager tha ber anih thu a sawi

Liverpool manager Jurgen Klopp chuan City manager Pep Guardiola chu khawvel manager tha ber anih thu a sawi chhuak. Hriat angin tem pahnih te hi March ni 10 ah an inhmachhawn dawn a ni.

Premiere League hi game 11 khelh tur ala awm a, team pahnih te khelh tur match hi match hmuhnawm tak a ni ngei ang. Nomawi chawi beisei ve ve anni dawn a, chak loh a thiang tawh der si lo. Liverpool hi Table-ah hmahruaitu niin pahnihnaah City an awm a, point 1 chiahin an inhlat a ni.

Advertisements

Hetihlai hian Klopp leh Guardioala hian an team enkawl Reds leh City hi an chet that pui hle a, hlawhtlinnna hrang hrang an lo chan pui tawh a ni. Kum 6 liamta kan thlir let anih chuan team pahnih te hian Premiere League nomawi an chawi vek a ni, City hian 5 an chawi a, Liverpool in 1 an chawi ve bawk.

Liverpool boss Jurgen Klopp chuan pre match press conrefence-ah an tumpui tur City boss Guardiola a fak.

“Pep hi khawvel manager tha ber a ni. City hian player tha tak tak annei nual. No 9-ah Erling Haaland annei bawk a, De Bruyne hian history a siam belh zel bawk. Guardiola hian football hi a duh tak zet a, nomawi thahnem tak a chawi tawh a ni. Mahse, a hmel i en chuan eng nomawi mah chawi lo ang mai a ni. Nomawi chawi belh zel a duh avangin.” tiin Klopp chuan Pep Guardiola a fak.

Guardiola hian kum 2016 atang khan City hi alo enkawl tan tawh a, nomawi thahnem tak a chawi pui tawh a ni. Season hmasa lamah phei kha chuan an treble nghe nghe.

Tun season khelh mekah pawh nomawi pakhat tal an chawi leh ngei a rinawm.

Scroll to Top