Saudi Pro League club ten Man City player man atan an ngam huai!

Saudi Pro League club ten summer transfer window lo awm turah Manchester City playmaker Kevin De Bruyne lak luh an duh niin Football Insider chuan a tarlang.

Kum 2015 khan De Bruyne hian Bundesliga club Wolfsburg atangin Cityzens hi a zawm a, kha tihlaia a man chu £54 million a ni. City a zawm hnu hian Pep Guardiola hnuaiah a che tha hle a, player pawimawh tak pakhatah a inchhuah. Inelna hrang hrangah City tan match 369 inlan tawhin goal 98 a khung mai bakah assist vawi 165 lai a nei tling.

Advertisements

Kevin De Bruyne hian Premiere League nomawi 5, FA Cup nomawi 2, FIFA Club World Cup leh UEFA Champions League nomawi pakhat a chawi tawh a. Season hmasa khan Skipper of the Eitihad atan thlan a ni bawk.

City tan a chet that em avangin club hrang hrangin De Bruyne hi an duh a, Saudi Arabian club te pawhin pawisa tamtak senga lak luh an hreh lo a ni.

Saudi Pro League club te chuan summer transfer lo awm turah De Bruyne hi lak luh an duh a, a man atan pawh £100 million lai mai pek an huam niin Football Insider chuan a tarlang.

Season hmasa khan Riyad Mahrez leh Aymeric Laporte chuan City chhuahsanin Middle East lam an lo pan tawh anih kha. Mahrez hian Al-Ahli a zawm a, Laporte chuan C Ronaldo club Al-Nassr a zawm ve bawk.

Kum 32 a upa De Bruyne hian Middle East lam hi a pan ve mai lovang maw? Thlir zel phawt ang.

Scroll to Top