Zanin Premiere League khelhah Man United chuan Everton an hmachhawn a, Alejandro Garnacho chuan Manchester United history thar a siam a ni.
Kar hmasa khan Manchester derby khelh a ni a, City lakah United hi an tlawm hlauh mai. Everton lakah erawh tlawm an tum lo hle. Mahse, Everton lam khan inkhelh tan tirh khan chance an rawn nei tha a, an chungnung zawk ti ila kan sawi sual awm love.
Zanin inkhelhah khan Garnacho chuan penalty vawi 2 a hlawh chhuak a, a vawikhatna chu minute 12-ah niin, Bruno Fernandes’an a pet a, a pet goal chiang hle. A vawihnihna erawh Marcus Rashford’an pet ve in goal-ah a chan tir bawk. United lamin 2-0 in hnehna an chang ta a ni.
Garnacho hi Manchester United player atanga Premiere League game khata penalty vawi 2 hlawh chhuak thei hmasa ber a ni. Hetiang record hi a hmain United player ten an la siam ngai lo.
Tun season khelh mekah Manchester United hian Premiere League match 28 an khelh tawh atangin point 47 an hlawhchhuak tawh a, table-ah 6 na dinhmun an hauh mek.
