Jurgen Klopp’an Liverpool a chhuhsan hnuah management lam ni lo, hna dang offer an tum niin report thar berin a tarlang.
January thla khan Jurgen Klopp chuan 2023/24 season zawh rualin Liverpool chhuahsan a tum thu alo sawi tawh a, Anfield-ah hian kum 9 chhung teh meuh mai hun a hmang a ni.
Liverpool chuan thla hmasa khan Carabao Cup final-ah Chelsea chu 1-0 in an hneh a, nomawi pakhat chawi tawhin, tunah hian trophies dang pawh chawi thei tura rinkai ber pakhat anni mek.
Klopp’an Liverpool a chhuahsan tur thu a sawi rual hian football atanga chawlh hahdam a mamawh thu a sawi a, mahse, club thenkhat ten an club enkawltu tur atan an beisei ve mek bawk.
Jurgen Klopp chuan thil pakhat a confirm a, chu chu Liverpool tih loh Premiere League club dang hrim hrim chu a enkawl dawn lo bur niin a sawi.
Daily Mail in an tarlan danin BBC leh ITV te chuan Klopp chu Euro 2024 khelh turah Pundit atan sign an duh niin an tarlang.
He offer hi Klopp chuan a ngaihtuah tha deuh dawn niin an sawi tel bawk. Football management atanga chawlh duh viau mahse, Pundit hna han thawh chu Klopp atan hian a tha viau dawn niin a lang.
