Manchester United thuneitute chuan Erik ten Hag thlaktu tur chungchang an sawi ho a, Serie A manager lak luh an duh niin report in a tarlang.
Nilaini khan ESPN chuan United lamin Ten Hag thlak theitu tur atan Roberto De Zerbi, Thomas Frank leh Gareth Southgate te hming an tarlang a, summer lo awm turah Ten Hag chuan Old Trafford a chhuahsan ngei dawn niin an tarlang bawk.
Sir Jim Ratcliffe chuan tunah hian football operation lamah thuneihna a nei tam zawk tawh a, Ten Hag thlak theitu tur a zawng ve reng niin a lang.
Manager pathum hming kan sawi tak te khi Ten Hag thlaktu tura rinkai ber te ni mahse, manager dang hming a rawn lang thar leh niin an sawi.
TeamTalk in a tarlan danin Ratcliffe leh a official te chuan manager chungchangah inbiak hona anneih thu leh an manager thar atan Bologna boss Thiago Motta an duh niin an tarlang a ni.
Barcelona leh Paris Saint-Germain midfielder hlui Motta hian Bologna hi a chet that pui ang reng a, tunah hian Serie-ah palina dinhmun hauh mekin, Roma, Atalanta leh season hmasaa champions Napoli te chungah an awm mek a ni.
Tunah hian kum 41 a upa Motta hi Europe best young manger anga sawi mek a ni.
