Kan hriat angin nizan Champions League khelh takah Manchester City chuan Danish club Copenhagen chu 3-1 in an hneh a, European history thar an siam leh a ni.
Champions lai City chuan last 16 1st leg-ah Kevin De Bruyne, Bernardo Silva leh Phil Foden te goal hmangin 3-1 in hnehna an lo chang tawh a ni.
Nizan second leg khelhah khan Manuel Akanji chuan minute 5 na lekah goal khatna khungin minute 4 hnuah Alavarez chuan goal 2 na a rawn khung ve leh nghal, first half tawp lamah Haaland chuan goal 3 tur a rawn khung belh bawk. Copenhagen lam hian goal khat khung ve mahse, Pep Guardiola leh a naute hi 6-1 aggregrate in an tlang ta a ni.
Erling Haaland’an goal a khung khan Sergio Aguero Champions League goal khung zat anih rual pui nghal a, Aguero khan Champions League goal 41 a khung a ni. Norwegian forward hi tun dinhmunah European Cup history-a goal khung tam zingah 19 na dinhmun a rawn hauh der tawh a, match 37 chiah ala khel rih nghe nghe.
Nizan inkhelhah khan Man City chuan half-time hmain goal 3 an khung tling a, European inelna home game bkah a zawna match 9 chhung goal 3 emaw a ai tam khung thei hmasa ber team anni.
Tun season khelh mekah Manchester City lam hi an rawn che tha leh viau mai a, Premiere League leh Champions League nomawi chawi theitu tura rinkai ber anni mek.
Premiere League lamah hian pahnihna dinhmun hauhvin, pakhatna dinhmun hauhtu Liverpool hi point 1 chiahin an hlat a ni.
