Hojlund’an Premiere League history a siam, hetiang ang hi siam leh a harsa maithei!

Manchester United star Rasmus Hojlund chuan Premiere League history a siam. Kan hriat angin Hojlund hi February thla Premiere Legue Player of the Month atan thlan tlin a ni.

February thla chhungah ani aia goal-a inhnamhnawih tam an awm lova, goal 5 a khung mai bakah assist vawi 1 a nei tling.

Advertisements

February thla chhungah match 4 a khel a, goal a khung vek tihna a ni. Hojlund hian a zawnin match 6 lai maiah goal a khung tawh a, Premiere League history bikah hetiang ti thei player naupang ber a ni nghe nghe.

Hei mai bakah Hojlund hi Dane player atanga Premiere League Player of the Month award dawng thei hmasa ber a ni bawk.

Premiere League Player of the Month ward shortlist-ah hian Phil Foden, Joao Gomes, Pascal Gross, Rodrigo Muniz Bukayo Saka leh Ollie Watkins te an awma, heng ho hi a khum vek. United player atangin Harry Maguire khan November thla khan he award hi a dawng a, hemi hnu hian United player atanga dawng leh thei hmasa ber a ni.

Scroll to Top