Manchester United leh Adidas te chuan contract thar an sign dawn a, season tawpah Champions League an khel pha lo anih chuan pawisa tamtak an chawi ziah dawn niiin report in a tarlang.
Manchester United leh Adidas te chuan kum 10 daih contract an lo sign tawh a, a hlut zawng pawh £750 million lai a tling. Mahse, nakum lamah kum 10 chhung atana contract an lo sign tawh chu a zo ve dawn a. Mahse, kum 2025 atangin contract thar an sign chhunzawm leh nghal dawn.
Term thar hnuaiah erawh thil a inthlak danglam deuh hlek, Premiere League season khelh zawh hun apiangah top 4 spot an hauh pha theilo anih chuan £10 million an chawi ziah dawn a ni.
Tun dinhmunah Man United hi Premiere League table 6 naah an awm mek a, Champions League an khel pha lo anih chuan hrem an la ni dawn lova, a chhan chu tun season khelh mekah Champions League an khel ve tlat vang a ni. Tunah hian top 4 a awm Aston Villa chu point 8 in an la phak lo.
Amaherawhchu, pangana hauh mahse, Champions League khelh theihna chance a awm thei a, coefficient rankings-ah a innghat dawn a ni.
Erik ten Hag leh a naute hian pangana dinhmun hauhtu Tottenham hi point 6 in an phak lo bawk.
