Arsenal chuan Premiere League game pawimawh tak khelh tur annei a, ni 31-ah Manchester City an hmachhawn dawn a, tunah hian an inbuatsaih mek. Premiere League game 28 khelh tawh atangin Mikel Arteta leh a naute chuan table-ah hma an hruai mek a ni.
Hetihlai hian Gunners chuan summer transfer lo awm turah Real Madrid star Brahim Diaz chu Emirates lamah lak luh an duh a. Amaherawhchu, Victor Osimhen la lut tur zinga rinkai erawh anni lo.
Arsenal chuan £60 million lai mai Brahim Diaz atan Real Madrid hnenah offer an siam tawh a, tun summer transfer lo awm turah lak luh ngei an tum dawn niin Nacional chuan a tarlang.
Tun season khelh mekah Spanish attacking midfielder hian Carlo Ancelotti starting XI a chang mang lova, a chhan pakhat chu Jude Bellingham vang a ni. Mahse, Diaz hian Santiago Bernebeu lamah quality a neih that zia a pholang ve tho mai, inelna hrang hrangah match 32 inlanin goal 8 a khung mai bakah assist vawi 4 a nei tling ve hman.
Real Madrid in PSG atangin tun summer transfer window-ah Kylian Mbappe lak luh an tum ruh hle a, hei vang pawh hian Diaz-a hmalam hun a chiang tawh bik lo.
Arsenal in Diaz hi an la lut thei anih chuan an chhawr tangkai leh viau maithei a ni.
