Man United hmachhawn tur Liverpool in hliam 4 nei

Kan hriat angin Liverpool leh Manchester United te chuan Pathianni zanah FA Cup quarter final an khel dawn a, hemi chungchangah Liverpool boss Jurgen Klopp chuan player hliam 4 a neih thu a sawi chhuak.

Liverpool hian Europa league round of 16-ah Sparta Praha chu 6-1 laiin an hneha, first leg-ah 5-1 in hma an hruai bawk. Pathianni zan khian FA Cup-ah Man United an hmachahwn leh dawn a ni.

Advertisements

Tun season khelh mekah Liverpool lam hi che tha viau mahse, hliamin an player te a ti buai hneh hle. Man United an hmachhawn hunah pawh an player pawimawh thenkhatte an khel thei dawn lo niin a lang.

Press conference-ah Klopp chuan a player hliam neite hming a sawi chhuak a, Curtis Jones, Diogo Jota, Trent Alexander-Arnold leh Stefan Bajcetic te hming a lam a, heng player pali te hian United an hmachhawn thei dawn lo niin a sawi.

“Curtis dinhmun hi ala chiang thei tak tak lova, Diogo leh Trent hi kar khat hnu velah an rawn kir theih a rinawm. Bajcetic hi chu hliam em em a ni lov, mahse, a inpeih tak tak hma chu kan hmang duh rih lo” tiin Liverpool boss Jurgen Klopp chuan a sawi.

Tun season khelh mekah Liverpool lam hi an che tha ang reng hle a, tunah hian nomawi 4 chawi thei dinhmunah an ding mek. A hma khan Carabao Cup nomawi an lo chawi tawh a, tunah hian UEFA Europa League, Premiere League leh FA Cup-ah te an dinhmun ala tha hle.

Scroll to Top