Liverpool an hmachhawn hunah Man United player 3 an rawn kir dawn niin Ten Hag’an a sawi!

Pathianni zanah Liverpool leh Manchester United te chuan FA Cup quarter-finals an khel dawn a, Manchester United boss Erik ten Hag chuan Hojlund, Harry Maguire leh Aaron Wan-Bissaka te chuan Liverpool an hmachhawn thei dawn niin a sawi.

Red Devils lam chuan Old Trafford-ah Liverpool hi an lo mikhual dawn a, Reds hian a vawihnihna atan domestic nomawi chawi an tum ruh hle a, hnehna chan theih hram an tum dawn a ni.

Advertisements

Manchester United hian player hliam annei a, tunah hian Hojlund, Maguire leh Bissaka ten hliam neiin hun an hmang mek a, mahse, Liverpool an hmachhawn hunah erawh an khel thei dawn niin a lang.

Pre match conference-ah Man Utd boss Ten Hag chuan ti hian a sawi.

“Kar tha tak kan hmang, player hming i sawi tak, Hojlund, Maguire leh Bissaka te hi field-ah an rawn kir leh ang, vawiinah pawh session annei a, training pawh an zawm tawh a ni. Liverpool hmachhawn thei turin an in fit tawk tawh niin ka hria.” tiin a sawi.

“Naktuk lamah session khat kannei leh dawn a, hetah hian engtiangin nge an in recover tih kan enfiah ang, mahse, engkim hi a lang tha vek e.” tiin a sawi belh bawk.

Man Utd lamin 2-1 a Luton Town an hneh hnu atang khan Hojlund hi a chawl tawh a, Fulham (2-1) leh Manchester City (3-1) laka an tlawm tum leh 2-0 a Everton an hneh tum khan Hojlund hi hliam avangin a khel ve theilo va, Mahse, Liverpool an hmachhawn hunah erawh a hmel kan hmuh ngei a rinawm.

Scroll to Top