Gazzetta dello Sport tarlan danin Liverpool chuan Serie A star Teun Koopmeiners chu lak luh an duh niin a tarlang a, Netherlands international hi tunah hian Serie A club Atalanta tan a khel mek a ni.
Kum 26 a upa defensive midfielder hian tun season khelh mekah inelna hrang hrang match 33-ah inlan tawhin goal 12 a khung mai bakah asssit vawi 4 a nei tling mek. Kum 2021 khan AZ Alkmaar atangin Atalanta hi a zawm a, tunah hian La Dea tan player pawimawh tak pakhat a ni mek.
Italian club lam hian an player man atan £43 million an hauh duh a, dello Sport in a tarlan dan chuan Liverpool lamin lak luh an duh a, offer tha tak pek an inpeih tawh niin a tarlang.
Liverpool mai bakah Juventus lam pawhin Koopmeiners hi lak luh an duh ve a, Liverpool nen hian an inchuh dawn niin al ang. Koopmeiners hian Netherlands tan match 20 a inlan ve tawh a ni.
Hriat angin summer transfer lo awm turah Liverpool boss Jurgen Klopp chuan club chhuahsan a tum dawn a, summer transfer hnuhnung berah khan Liverpool chuan midfielder Wataru Endo, Ryan Gravenberch, Alexis Mac Allister leh Dominik Szoboszlai te an la lut tawh a, Koopmeiners pawh hi an la lut anih chuan, an chhawr ve viau a rinawm.
