Tun thla tirah khan Italy National Anti-Doping Tribunal te chuan Anti Doping Prosecutor’s Office te ngenna pawmin doping test-a positive Paul Pogba chu kum 4 chhung hrem tura tih a ni. Kum 4 chhung hrem tura tih ni mahse, offer pakhat a hmu niin report in a tarlang.
An tarlan zel danah Paul Pogba hian Court of Arbitration of Sport (CAS), Lausanne-ah khin let a tum niin an tarlang a, dan hnuaia a awm loh hunah a story zawng zawng sawi chhuah a tum thu a sawi bawk.
Kum 30 a upa hi kum 4 chhung hrem anih tur thu an puan hnu khan, football hi a khel chhunzawm zel ang em tih chu mi tamtak zawhna a ni a. Thenkhatte chuan a retire mai an ring bawk. Kum 4 chhug a chawlh chuan football lama career a chhunzawm leh meuh chuan kum 34 a upa a ni tawh dawn a ni.
Tuttosport in a tarlan danin Paul Pogba hian offer a hmu niin an tarlang a, chu a offer hmuh chu Russian celebrity-hosted league club Broke Boys tan a ni.
Broke Boys sporting director Artjom Chatjaturjan chuan France star hi lak luh an duh thu a sawi chhuak.
“Fiamthu a ang pawh in ti maithei, mahse, Pogba hi kan ko a ni. Tun thleng chuan ala hnawl rih, hun khirkhan tak a hmang mek a, kan offer accept turin hun a duh deuh mai thei. Pogba hi khawvel footballer tha ber pakhat a ni a, football khel lovin hetiang em em a rei hi a awm thei lovang” tiin Chatjaturjan chuan Tottosport a hrilh.
Pogba hian Russia leageu hi a zawm thei anih chuan thla khatah £1,167 a hlawh dawn niin an tarlang bawk. He offer-ah hian player dang te an offer tel ngai loh, luxury accomodation pawh an offer tel a ni.
