Nizan Premiere League khelh takah khan Man Utd chuan Old Trafford-ah Everton chu 2-0 in an hneh a, Old Trafford chhungah fans te chuan Alejandro Garnacho hming lamin an au rual anih kha. Nizan inkhelah khan Garnacho hi a pawimawh hle.
Hnehna an chan theih nana penalty vawi 2 kha ama hlawh chhuah a ni a, Bruno Fernandes leh Marcus Rashford chuan goal-ah an chan tir ve ve a ni. A chet that em avangin United fans te chuan a hming lamin an au rual a ni.
Hetia mipui lamin a hming lam meuh a an au rual takah chian Garnacho pawhin ropui a ti hle a, mumang ram ang maia a ngaih thu a sawi chhuak.
“Ka kum angah chuan mumang ang mai alwm a nih, Old Trafford-a a zawmg zawng fans ten ka hming lamin an au dual dual, a mak dangdai hle. Ka inchhuang a, ka hlim tak zet tiin a sawi.
“Game tina hnehna chan a point thum hlu tak hlawhchhuah hi englai pawhin a pawimawh hle in ka hria, leage game hnuhnung pahnihah a tlawm zawkah kan tang tawh a, season thar lo awm turah Champions League kan khel duh anih chuan game tin hi a pawimawh tawh a ni” tiin a sawi belh bawk.
Garnacho hi Manchester United player pawimawh ber pakhatah a inchhuah a, tunah hian kim 19 a upa chauh ala ni. Red Devil tan inelna hrang hrangah match 73 inlan ve tawhin, goal 12 a khung mai bakah assist vawi 8 a nei tling mek.
Tun season khelh mekah match 37 inlan tawhin goal 7 a khung tawh a, assist vawi 3 a nei mek.
