‘Ka fapa hi kei ni lovin, Vini inkhel lai en turin alo kal thin’ – Real Madrid superstar

Real Madrid superstar Fede Valverde chuan a fapa Beni chu Los Blancos-ah a teammate Vinicius Junior inkhel enturin alo kal thin niin a sawi.

Vinicius Junior hi player tha ber pakhat anga sawi a ni a, tun season khelh mekah match 27 inlan tawhin goal 16 a khung mai bakah assist vawi 8 a nei mek. Nizan Celta Vigo an hmachhawn tumin goal a khung nghe nghe.

Advertisements

Vinicius hian Valverde fapa Beni chu thla a lak pui a, ti hian zawhna an siam. “I fapa Beni leh Vini te thlalak dun lai kan hmu a, a idol a ni em?” tiin an zawt.

Valverde chuan ti hian a chhang, “Aw ni e, eng thu nge ka sawi tak ang le, thil duhawmlo tak pawh a ni mai thei. A chhan chu engtikniah emaw chuan a idol nih ka duh ve hle, mahse, a idol chu Vini hi a ni tlat, vawi tamtak a hming hi a lam ri thin.” tiin.

“Englai pawhin match hi a en a, Kei ni lovin Vini inkhel en turin alo kal thin a ni. A tha mai e, ala naupang a, Vini Jr inkhel lai en a duh a, thil duhawm tak a ni” tiin a sawi belh bawk.

Valverde leh Vinicius Jr hi inelna hrang hrangah match 191 lai an khel dun tawh a, an pahnih hian goal 9 ah an inhnamhnawih dun tawh bawk.

Scroll to Top