Chelsea in Brentford an hmachhawn tum khan Chelsea fans te chuan Jose Mourinho hming chu au hla berah an hmang anih kha.
Hriat angin Porchettino’an Chelsea hi season khat pawh ala enkawl tling rih lova, mahse, a chet that pui lo hle. Premiere League khelh mekah Chelsea chu 11 na dinhmun a hauh pui a, palinaa awm Aston Villa chu point 19 lai maiin an la hlat a ni.
Pochettino leh a naute hi a hma lawk khan Carabao Cup final-ah Liverpool an hneh lova, tunah hian FA Cup quarter final lut lehin Leiceister City nen an inhmachhawn ang. Chelsea a chet chhiat pui em avangin fans tamtak te a chungah an lungawi lo hle.
Chelsea fans te au hla ber chu Mourinho hming leh F” off Maurcio tih hi a ni, hei hi Brentford an hmachhawn tumah khan hriat theih a ni nghe nghe. Jose Mourinho hian Chelsea hi tum 2 alo enkawl tawh a, hemi chhung hian Premiere League nomawi 3 a chawi pui hman a, tunah hian Chelsea fans te chuan Chelsea lama lo kir leh turin an au mek niin a lang.
Hemi chungchangah Pochettino chuan Chelsea fans te a kap let ve:
“En teh u, Jose pawh hi ka zah, ka thian a ni. He club tan hian a mak dangdai hle a, he club tana medal a lak te pawh kha an hlu tak zet. Dawmkan kan mamawh a, keimahniah rinna nghat ngam ve ula, fans atanga thu chhuak reng reng kan pawm thiam zel” tiin Pochettino chuan a sawi.
“Player te pawhin coach dang hrawna an that pui zawk dawna an inhria anih chuan, club neitu emaw sporting director an hrilh thei maithei. Player te hi zawt mai rawh u, engkim in zawt thei ang, ngatinge keimahah hian inbuai reng ni.” tiin a sawi belh bawk.
Pochettino hian player te an pawimawh zia a sawi a, englai pawhin an innghahna anih thu a sawi chhuak. Manager mawhphurhna vek anih loh thu a sawi lanna ni.
