Hriat angin Champions League draw chu Nyom, Switzerland-ah neih a ni a, Arsenal chuan German club lian Bayern Munich an hmachhawn dawn a, Manchester City lam pawhin Real Madrid an hmachhawn ve bawk ang.
Hetihlai hian Atletico Madrid in Borussia an hmachhawn anga, Paris-Germain pawhin Barcelona an hmachhawn ve bawk ang. Kumin Champions League chu a hmuhnawm viau rin a ni, team tha deuh ngawt anni a ti ila kan sawi sual awm love.
Ballon d’Or vawi 5 dawngtu C Ronaldo chuan Manchester City hian nomawi an chawi a ring deuh ber a, hetihlai hian Real Madrid pawh chawi thei tura rinkai annih thu a sawi tel bawk. Mahse, Arsenal erawh an lang lo.
January thla khan tun season Champions League nomawi chawitu tura a rin zawh a ni a, Ronaldo chuan “Manchester City hian Champions league nomawi chawi theih lehna chance annei tha hle. Ka rin te chu, Man City, Real Madrid, Bayern Munich te hi anni.” tiin Mirror kal tlangin alo sawi tawh anih kha.
C Ronaldo chuan Man City chungchang sawi belhin, “Man City lam hi an che tha hle, season an hman tawhnaah ka lawmpui. Player, coach te annei tha tak zet. A tawp a tawpah Champions League nomawi an chawi a, kum 2 liamta vel atang khan nomawi chawi an phu hle, an chawi kha ka lawmpui tak zet.” tiin a sawi bawk.
Champions Leagu first leg hi April ni 9 leh 10 ah khelh a ni dawn a, second leg hi April ni 16 leh ni 17 ah khelh a ni bawk ang. Game hmuhnawm tak a ni hlawm dawn a, a nghahhlelawm hle mai.
