Kum 2014 khan Martin Odegaard chungchangah post alo awm tawh a, chu post-ah chuan Arsenal a zawm anih chuan 2024 UEFA Champions League quarter finals an lut dawn tih a ni a, chu chu Arsenal in quarter finals an luh hnuah a rawn lar thar leh a ni.
Arsenal chuan UEFA Champions League round of 16-ah Porto an hmachhawn a, first leg-ah khan 1-0 in a tlawm zawkah tang mahse,, nizanah khan 1-0 in Arsenal lamin hnehna an chan leh tak avangin aggregate 1-1 niin, penalty pet a ni a, Arsenal lam chuan 4-2 in hnehna an chang ta a ni.
Minute 41 naah Arsenal lam chuan goal khatna an khung a, Leandro Trossard chuan goal awm chhun a khung a, he a goal khung hi Odegaard siam a ni nghe nghe.
Match khelh zawh anih khan kum 2014 a Arsenal captain Odeggard chungchanga post awm chu a rawn lar thar leh a ni.
101 Great goals chuan kum 2014 khan ti hian post an lo siam tawh, “Arsenal hian Martin Odegaard hi an la lut anih chuan 2024 Champions League quarter finals an lut dawn a ni.” tiin post an lo siam a ni.
He an post siam chuan Arsenal official chuan inkhelh zawh hnu lawk khan an retweet nghe nghe.
Kum 2021 khan Martin Odegaard hian Real Madrid atangin Arsenal hi a zawm a, a zawm hnuah player pawimawh tak pakhat rawn ni chhovin, captain atan hial an thlang bawk.
Tun season khelh mekah Arsenal hi an che tha ang reng a, Premiere League-ah hmahruaitu ni mekin, champion tura rinkai ber anni mek bawk.
Arsenal hian March 31 ah pathumnaa awm Man City an hmachhawn dawn a, Premiere League match an khelh leh hmain ni 18 lai mai chawlh annei thei dawn a ni.
