Erik ten Hag’an Manchester United a enkawl hmasak berna season-ah khan chet that pui ang reng a, Carabao cup nomawi chawi puiin, league-ah pathumna dinhmun a hauh pui anih kha. United fans te chuan season hnihna chu hlawhtling taka a hman theih ngei an beisei. Mahse, tun season khelh mekah erawh beisei an phak loh hle a, UEFA Champions League leh EFL cup atangin an tla a ni.
Season hmasa lam ngaihtuah chuan United lam hi an che tha lo hle a, Premiere League khelh mekah parukna dinhmun an hauhva, mahse, club lam chuan beiseina sang tak an la nei mek.
Duh aiin an attack lam te an che tha vak lo niin a lang, tun season khelh mekah an goal khung aiin goal 2 in an chhuah tam zawk a ni, an defender lam pawh an tan deuh hlek a ngai niin a lang.
INEOS lam chuan 25% lai maiin Manchester United lamah share annei thar a, hei hian Old Trafford-ah change a siam ngei a rinawm. Sir Jim Ratcliffe chuan club football operation hrim hrim a thunun dawn niin an sawi bawk.
Tun summer transfer lo awm turah hian player thar te pawh an lak luh nual a rinawm a, heng player panga te hi an target ber anni maithei.
Serhou Guirassi (Stuttgart), Martin Zubimendi (Real Sociedad), Jarrad Branthwaite (Everton), Michael Olise (Crystal Palace) leh Theo Hernandez (AC Milan) te hi summer transfer-ah an target dawn niin report in a tarlang.
