Manchester City star Erling Haaland chuan Premiere League players stats pakhatah top 3 a hauhva, mi tamtakin an awi lo.
Kan hriat angin Erling Haaland hi Manchester City lamin an la fuh hle, goal khung thei tak a ni a, goal thahnem tak a khung tawh a ni.
Season hmasaah khan games 52 inlanin goal 51 lai a khung thei a, Premiere League bikah record siamin season khata goal khung hnem ber record a nei a ni. Season hmasa Premiere League-ah goal 36 lai a khung thei.
Kumin pawh hian Golden Boot dawng thei turin goal khung lamah a duailo hle. Tun season khelh mekah goal 18 a khung leh tawh a ni.
Amaherawhchu, Erliing Haaland pawh season hmasa lama a chet that ang kha chuan tun season khelh mekah a che tha bik tawh lova, mahse, ti chung pawh hian a che tha ber pawl ala ni tho mai.
Season hmasa kha chuan goal khung theihna chance a neih tawh kha chuan goal-ah a chantir zel thei a, robot ang mai anih kha. Tun season-ah erawh goal khung thelh a nei nual. Nimin lawka Manchester United an hmachhawn tum pawh khan chance tha lutuk mai a hlah leh anih kha.
X lamah Premiere League stat pakhat tarlan a ni a, Premiere league 2023-24 season khelh meka open play expected goal (xG) stat tarlan a ni. Erling Haaland chuan 3 na hauhvin, Pakhatna hi Carlvert Lewin’an a hauhva, pahnihnaah Chelsea striker Nicolas Jackson a awm bawk.
