Summer transfer window lo awm turah hian player lam aiin manager ten Premiere League lamah thuthar an ngah zawk hmel tlat.
Hriat angin Liverpool boss Jurgen Klopp chuan tun season khelh lai a zawh rualin club chhuahsan a tum thu a sawi chhuak tawh a, hei vang hian Liverpool lamin manager thar lak luh an mamawh ngei dawn a ni.
Hetihlai hian Chelsea, Manchester United, Newcastle leh West Ham te pawhin an manager thlak an duh ve bawk. Vanneihthlak takin manager thar lak tur pawh an awm nuk mai.
Heng a hnuaia kan rawn tarlan tak manager 7 te hi season thar lo awm turah Premiere League lamah kan hmu thut thei.
Ruben Amorin hian kum tamtak chhung Sportin Lisbon chu hlawhtling takin alo enkawl tawh a, tunah hian Chelsea, Liverpool leh Manchester United te nena sawi zawm mek ani.
Xabi Alonso hian tun season khelh mekah Leverkusen lam a chet that pui hle, Liverpool fans te chuan an manager thar atan an duh ber. Hetihlai hian Bayern leh Real Madrd nen sawi zawm a ni ve bawk.
Arne Slot pawh hi English club hrang hrang te nena sawi zawm mek a ni.
Jose Mourinho hi tunlai vel hian boruak nei lian lutuk lo mahse, tunah hian English club thenkhatte nen sawi zawm mek niin a club hlui Chelsea fans ten an manager thar atan an it hle.
Hansi Flick hi Premiere league club thenkhat nen sawi zawm a ni.
Zinedine Zidane hi tunah hian Manchester United nena sawi zawm mek a ni a, tun summer-ah Ten Hag an ban hlauh anih chuan an lak luh ngei a rinawm.
Julan Nagelsmann hi Premiere League club hrang hrang nen sawi zawm mek a ni.
