Arsenal in Premiere League match-ah Sheffield United chu 6-0 lai maiin an hneh a, English league history thar an siam a ni.
Arsenal hian an game hnunghnung pahnihah hnehna an lo chang tawh a, Bramall Lane lamah hnehna chan ngei tumin an lut a, an tum ang ngeiin hnehna an chang a ni.
Sheffield lakah hian an che tha ang reng a, minute 25 chhug lekin 4-0 in hma an hruai nghal, Martin Odegaard, Martinelli leh Kai Havertz te chuan goal an khung a, Jayden Bogle atangin own goal an nei bawk.
First half khelh chhungim Declan Rice chuan goal goal 5 na a khung a, 5-0 in hma an hruai. Hetiang hi Premiere League match ah a tam lutuk lo.
Second half tan tirh lamah mak deuh maiin goal an khung thei nghal mau lova, mahse, minute 57 naah Ben White chuan goal 6 na khungin, 6-0 in hnehna an chang ta a ni.
Hnehna an chan hnu hian Arsenal chuan record thar an siam a, he an record siam hi khum harsa tak anih ngei a rinawm.
Premiere League history-ah a zawnin away game hnuhnung 3 atanga goal 5 leh a ai tam khung thei English club hmasa ber anni.
February ni 17 khan Burnley home Turf Moor ah goal 5 an lo khung tawh a, West Home lakah 6-0 in hnehna an chang bawk. Zanin khan a vawithumna turin Sheffield United home-ah 6-0 laiin hnehna an chang leh a ni.
Hetiang record hi English club ten an la siam ngai lova, he record hi khum harsa tak a ni ngei ang le.
Sheff United lam pawhin Record thar an siam bawk, mahse a duhawm lem lo. A zawna Inelna hrang hrang match 4-a goal 5 chhuah vek thei English League team hmasa ber anni.
