Nizan inkhelhah Manchester City chuan an mikhual Manchester United chu 3-1 in an hneh a, game khelh zawh hnu khan Pep Guardiola chuan Premiere League player tha ber a sawi.
Niazan inkhelhah khan United lam chuan goal an khung hmasa zawk a, Marcus Rashford chuan yard 25 atangin a khung nghe nghe. Mahse, second half-ah Foden chuan goal 2 a khung a, Erling Haaland pawhin goal khat a khung belh ve bawkin, 3-1 in hnehna an chang ta a ni.
City in hnehna an chan leh tak avangin Premiere League table-ah Liverpool chu point khatin an la phak loh chhunzawm zel a, hetihlai hian Man Utd lam erawhin record duhawm tak pakhat an chan thung a ni. Chu an record neih chu half-time-ah hmahruaitu annih tawh chuan hnehna an la chang char char a, Premiere League match 143 lai maiah a zawnin hnehna an chang hman a ni, amaherawhchu, City lamin an record neih lai an tihtawp sak hlauh mai.
Game khelh zawh anih rual khan Pep Guardiola chuan Phil Foden chu Premiere League player tha ber anih thu a sawi chhuak.
“Game tamtak a khel tawh a. A hma atang tawhin player talent nei tha tak a ni, tunah chuan alo upa ve deuh tawh a, game-ah pawh experience a nei tha tawh hle, a bik takin defensive te hmachhawn danah hma a sawn hle.” tiin Pep Guardiola chuan BBC Match of the Day a hrilh.
“A lai, ding lam leh a chhug lamah pawh a khel thei a, vei lam atang pawhin goal a khung thei tho mai. Enge ka sawi tak ang le? A chet tawhna zawng zawng thlir let hian, tun dinhmunah Premiere League player tha ber a ni, rinphak bak a ni e”
‘Foden’an goal 2 a khung tawh hi chuan stuff dang zawng te aiin min ti lawm zawk” tiin Pep chuan Phil Foden a fak a, football hmangaihtu leh football-ah a chen tak tak thu a sawi chhuak bawk.
