Nizan Manchester derby-ah Phil Foden chuan goal 2 lai a khung a, goal celebrate dangdai tak a rawn hmang a, kha tia a celebrate chhan chu Mancheser City teammates ten training naah ‘sniper’ tia an koh vang niin a sawi.
A sawi zel dan chuan five-a-side match an khel thin a, tah chuan shoot a ngah thin em vang niin a sawi.
“He celebration hi chu kei leh ka teammate te infiamna ang reng deuh a ni a, five-a-side match-ah shoot ka ngah em avangin sniper tiin min ko a ni” tiin Phil Foden chuan Sportbible kal tlangin a sawi.
Manchester United an hneh hnu lawk khan Kyle Walker pawhin foden sniper celebration chungchang ti hian a sawi.
“Phil hi sniper tiin kan ko, a chhan chu ball shoot hi a duh em em vang a ni. Ke vei lam hi a hmang thiam em em a, goal tha takin a khung. Ani ang player hi kan mamawh tak zet.” tiin Sky Sport a hrilh.
Tun season khelh mekah Phil Foden hi a che tha ang reng hle a, Manchester City tan inelna hrang hrangah goal 18 lai a khung tawh a, a game hnuhnung 7 ah goal 7 lai a khung bawk.