Manchester United Transfer News Lawr khawm

Manchester United chuan season khelh zawh tak kha an hmang tha lo hle a, summer transfer window-ah an squad lam pawh an thuam that ngei a beiseiawm hle. Man Utd boss Erik ten Hag chuan a naute chu Premiere League table-ah 8 na a hauh pui mahse, FA Cup nomawi erawh a chawi pui thung a ni.

Red Devils hian summer transfer window-ah hian player hrang hrang 4 an target dawn niin reports in a tarlang a, hetihlai hian Thomas Tuchel pawhin Manhchester United hi enkawl alo duh ve bawk.

Advertisements

May ni 29 atanga Manchester United transfer news hrang hrang kan rawn tarlang dawn a ni.

Manchester United hian tun summer transfer window chhung ngeiin central defender, central midfielder leh striker lak luh an tum dawn niin Football insider chuan a tarlang. Tuna an defender kawl mek Raphael Varane hi chhuah a tum tawh a, hei vang hian defender lah luh chu an tum hmasak a ngai dawn a ni. Erik ten Hag chuan Anthony Martial hmun luah khattu tur striker thar lak luh a duh a, French striker hi free agent-a a chhuah ngei a rinawm.

Casemiro leh Christian Eriksen hmalam hun pawh a chiang lutuk tawh lova, hetihlai hian Sofyan Amrabat pawh season tawp rualin a club hlui Fiorentina lamah a kir leh ngei a rinawm. Red Devils lam hian midfielder lam pawh an beisei a, tunah hian player hrang hrang nena sawi zawm mek anni.

United hian player hliam Luke Shaw leh Tyrell Malacia anneih avangin left back lak luh ngei an mamawh dawn niin a lang. Aaron Wan-Bissaka hmalam hun pawh a chiang thei bik lo.

Engpawhnise, Manchester United hian tun summer transfer window hian player thar an lak luh nual a rinawm a, thlir zel phawt ang.

Scroll to Top