Chelsea Transfer News: Midfield thar an lak luh hmel!

Kan hriat angin Chelsea chuan Aston Villa chu Villa Park-ah an hmachhawn a, team hnih te hi 2-2 in an indraw anih kha. Chelsea lam atangin Noni Madueke leh Gallagher ten goal an khung a, hnehna an chang teuh hle.

Chelsea chuan Celta Vigo Midfielder Gabri Veiga man atan €40 million lai mai theh chhuh an inhuam niin report in a tarlang.

Advertisements

Chelsea hian an la lut thei dawn anih chuan tun summer transfer lo awm turah hian lak luh theih ngei an tum dawn niin Fichajes in a tarlang a. Celta Vigo midfielder Gabri Vigo hi Chelsea hian an lak luh theih ngei a rinawm.

Amaherawhchu, kum 21 a upa Gabri Veiga hian a hmain Saudi Pro League club Al-Ahly lam zawm tumna a nei a, a zawm ta reng a, mahse, chu a thuthlukna avang chuan a inchhir leh niin an sawi.

Veiga hi tun season a zawh rual chuan European Football lama rawn kir leh a tum ngei dawn a, hei hi Blues lam chuan hria in offer an pe ve nghal a ni. Chelsea hian midfield tha ve tak an squad-ah dah belh an tum dawn a, Veiga hi an lak luh tum langsar ber pakhat a ni mek.

Veiga hi midfielder leh attacker ang pawhin a khel thei ve ve a, Chelsea lam hian an la lut anih chuan an chhawr viau a rinawm. Veiga duh tu zingah hian Chelsea chauh an lang lova, Real Madrid, Manchester City leh FC Barcelona lam pawhin lak luh an duh ve niin report in a tarlang.

Scroll to Top