Mancheser United co-owner thar Jim Ratcliffe chuan 2023-24 Premiere League season nomawi chu Liverpool leh Manchester City khumin Mikel Arteta enkawl Arsenal lamin chawi se tih a duh thu a sawi chhuak.
Thla hmasa khan Jim Ratcliffe chuan United-ah stake 27.7% a lei ve a, Old Trafford lama a investment neih hi $1.6 billion lai a tling a ni.
Tunhnai lawk khan interview neih pui a ni a, tun season Premiere League khelh mekah chak tura a duh leh a rin zawh a ni. Tun dinhmuna a lan dan chuan Arsenal, Liverpool leh Manchester City ten nomawi hi an inchuh dawn niin a lang. Ratcliffe chuan Mikel Arteta enkawl Arsenal lamin nomawi chawi se a ti a, an chawi ngei a ring bawk.
Mach 28 khelh tawh a ni a, Arteta leh a naute hian Premiere League table-ah hma hruai mekin, point 64 an hlawhchhuak tawh a, Pahnihnaa awm Liverpool nen hian an point hmuh a inzat chiah a ni. Pep Guardiola enkawl Manchester City hi pathumnaah awm vein, point 63 an hlawhchhuak ve bawk.
“Premiere League nomawi chawi tura ka duh ka sawi ang maw? An vaiin ka haw vek, kan hmelma te anni. Han thlan mai chu a harsa a n. Mahse, Arteta leh a naute hian Premiere League nomawi chawi se tih ka duh, a chhan chu Arsenal a chet that pui hle a, Arsenal lam pawhin dawhthei takin an nghak ve a ni.” tiin Ratcliffe chuan Mikel Arteta’an nomawi chawi pui se tih a duh.
Tunah hian Red Devils lam hi table-ah parukna dinhmun an hauh mek a, match 28 khelh tawh atangin point 47 an hlawhchhuak mek. International break neih zawh hunah Brenford an hmachhawn leh ang.
