Chelsea, Liverpool leh Manchester United te nena sawi zawm Barcelona centre-back Jules Kounde man atan Barcelona chuan €60 million lai an hauh niin report in a tarlang.
Kounde hian 2022 summer transfer lai khan Sevilla atangin Barcelona hi a pan a, inelna hrang hrangah match 74 inlan tawh mahse, duh ang leh beisei angin Camp Nou lamah a che tha lutuk lo.
Barcelona in La Liga nomawi an chawi tumah khan Kounde hi full back angin a khel tam zawk a, tun season khelh mekah pawh centre-ah a khel tam zawk mah. Amaherawhchu, club lamin sum lamah harsatna an la tawk tluang zel a, chuvang chuan Barcelona chuan summer transfer lo awm turah offload an tum niin an tarlang.
Fichajes.net tarlan danin Barcelona hian kum 25 a upa Jules Kounde man atan €60 million lai mai an hauh niin an tarlang.
Jules Kounde lak luh tum zingah Premiere League club pathum Liverpool, Manchester United leh Chelsea te an lang hmasa ber niin Fichajes.net chuan a tarlang.
Premiere League club pathum atang hian pakhat tal chuan an lak luh ngei a rinawm. Chelsea, Man Utd leh Liverpool te hi tunah hian FA Cup-ah an la dam vek a, Chelsea in Leicester City an hmachhawn dawn a, United in Liverpool an hmachhawn bawk ang.
Premiere League khelh mekah Liverpool chuan pakhatna dinhmun an hauh mek a, champion tura rinkai ber anni mek.
