Chelsea chuan FA Cup quarter final-ah Championship club Leicester City an hmachhawn a, hnehna duhawm tak changin semi final an lut a ni. Mahse, Chelsea fans te chuan Raheem Sterling an boo khum a, hemi avang hian a let 10 a tha zawkin rawn kir a tum thu a sawi.
Nizan inkhelhah khan Chelsea chuan 4-2 in hnehna an chang a, Chelsea lam atangin Marc Cucurella chuan goal hmasa ber a khung a ni.
Sterling’an penalty hlawhchhuakin a pet nghal a, mahse, vanduaithlak takin a goal lo hlauh. half time chawlh hmain Cole Palmer chuan goal 2 na khungin, 2-0 in hma an hruai.
Break hnuah Fox lamin an rawn nawr viau a, minute 51 naah Axel Disasi chuan an lamah goal a thun hlauh mai, Fox lam hian rawn nawr chhunzawmin minutes 62 naah Stephy Mavididi chuan draw na goal a rawn khung a ni.
Inkhelh hun pangngaiah Leicester City defender Callum Doyle chuan red card a hmu a, an che hlei thei tawh lo. Hun tawp dawn lamah Chelsea bench atanga rawn lut Chukwuemeka leh Madueke chuan goal khat ve ve khungin 4-2 in hnehna an chang ta a ni.
Pochettino’an Mykhailo Mudryk a lak chhuah lai khan, Chelsea fans te chuan “I thil tih lai hi i hre lo a ni” tiin Pochettino an au khum nghe nghe.
Chelsea fans te chuan Sterling chu tin zawnin, free kick a pet goal loh hnu khan Chelsea fans thenkhatte chuan an boo khum a ni.
Sterling chuan Instagram lamah ti hian a post. “Wembley-ah kan zuang lut leh dawn a, Chelsea fans zawng zawng te chungah penalty ka pet goal loh avang khan ngaihdam ka dil e. Team in hnehna a chan theih nan leh kan beih zel theih nan a let 10 a tha zawkin ka rawn kir leh ang” tiin a post a ni.
Cole Palmer leh Madueke chuan comment in, Unaupa ngaihdam dil a ngai love tiin an hnem ve a ni.
