Kan hriat angin nizan khan Mancheser United leh Liverpool te chuan FA Cup quarter final an khel a, inkhelh zawh hnu khan Liverpool manager Jurgen Klopp chuan Liverpool player pathum Luis Diaz, Darwin Nunez leh Cody Gakpo ten hliam anneih thu a sawi chhuak.
Hriat angin Klopp leh a naute hi Man Utd lakah 4-3 in an tlawm a, EFL nomawi an chawi hnu khan nomawi 4 chawi thei tura rinkai ni mahse, nizan khan nomawi 4 an beiseina te chu a thamral ve leh ta a ni.
Manchester United lamin minute 10 naah goal an khung nghal a, Scott McTominay’an goal a khung nghe nghe. Mahse, Half time chawlh hma lawkin Liverpool lam atangin Alexis Mac Allister leh Mohamed Salah chuan goal khat ve ve an khung a, 2-1 in hma an hruai.
Mi tamtakin Liverpool lamin hnehna an chang dawn tiin an ngaihtuah hman ngei ang, mahse, minute 87 naah Antony chuan draw na goal a rawn khung hlauh a, extra time khelh a ni. Extra time-ah Elliot chuan goal a rawn khung leh a, Liverpool lamin hma an rawn hruai leh hram.
Marcus Rashford chuan minute 112 naah draw na goal rawn khung lehin, hun tawp dawn tepah Amad Diollo chuan chakna goal a rawn khung ta a ni.
Inkhelh zawh hnu khan Liverpool boss Jurgen Klopp chuan player 3 in hliam anneih thu BBC a hrilh.
“Tunah chuan internatonal duty in an chhuak leh tawh dawn a, an hliam neih te lo dam thuai sela, hrisel takin rawn kir leh hlawm rawh se” tiin a sawi a, Luis Diaz, Nunez leh Gakpo ten hliam anneih chungchang pawh a sawi tel a ni.
Semi final-ah Manchester United hian Coventry City an hmachhawn dawn a, Chelsea lamin Manchester City an hmachhawn ve bawk ang, an khelhna tur hmun hi Wembley Stadium-ah a ni ang.
