Arsenal Transfer News Thenkhat

Kan hriat angin Premiere League season khelh zawk takah khan Arsenal chuan pahnihna dinhmun an hauhva, point 2 chauhvin Manchester City an phak lo a ni. Arteta leh a naute hian Premiere League game hnuhnung berah nomawi hi an chan a, mahse summer transfer lo awm turah an squad lam thuam thay deuh hlek an tum dawn niin a lang.

Gunners hian Real Sociedad midfielder Martin Zubimendi an duhna chu an chhawm nung zel a, Hetihlai hian Fulham lam pawhin Gunner midfielder Emile Smith Rowe pawh lak an duh ve bawk.

Advertisements

June 4 , 2024 thlenga Arsenal transfer news thenkhatte kan rawn tarlang ve leh dawn a ni.

Arsenal chuan Real Sociedad midfielder Martin Zubimendi chu tun summer transfer window chhung ngeiin Emirates lamah lak luh an duh niin Football Insider chuan a tarlang. Arteta hian Thomas Partey thlaktu tur atan midfielder tha ve tak lak luh a duh thu an sawi. Ghanian star Partey’an Arsenal lama contract a neih hi season thar a zawh rualin a zo ve dawn a, mahse, tun summer transfer-ah hian a  chhuah ngei a rinawm a ni.

Zubimendi hi Real Sociedad tan a che tha ang reng a, 2023-24 season-ah khan match 45 a inlan atangin goal 4 a khung mai bakah assist vawi 1 a nei a ni.

Hunrei tawh tak atang khan kum 25 a upa Zubimendi hi Arteta’an alo duh tawh a, Declan Rice nen partner tha tak anni thei dawn niin a ngai. Real Sociedad lama contract a neih hi 2027 thleng a awh a, tun summer-ah a chhuah dawn chuan a man tur pawh a tlawm lutuk thei lovang.

Fulham lam pawgin Arsenal star Emile Smith chu tun summer transfer chhung ngeiin lak an tum ve bawk niin transfer guru Fabrizio Romano chuan a sawi. English midfielder Smith Rowe hi Arteta hnuaiah duh angin khelhna hun a chang tam lo hle a, hei vang hian tun summer-ah chhuak tur anga sawi a tam hle.

2023-24 season chhung khan match 19 chauh Arsenal tan a khel a, a tam zawk chu bench atanga rawn lut a ni. Regular taka khelh theihna a awm phawt chuan Arsenal chhuahsan a hreh lova, tun summer hi chhuah theihna hun remchang tak a ni.

Scroll to Top