Man Citystar Bernardo Silva chuan Arsenal player pahnih Portugal team tana khel tur a duh a sawi

Portugal mi leh sa ni lo, Euro 2024 squad-a tel tura a duh chu Bernardo Silva hnenah zawh a ni a, Silva chuan Arsenal player pahnih a thlang.

Cristiano Ronaldo’an England leh France te ang thovin champion an phu ve nia a sawi chu Bernardo Silva pawhin a pawmpui hle.

Roberto Martinez chuan Manchester United player, Bruno Fernandes, Ruben Dias leh Silva te chu ram tana fehchhuak turin a ko hlawm a, Silva chu Portugal squad-a tel tur Portugal player ni lo, Portugal squad-a awm ve tu player 3 zawh a ni.

Silva chuan France leh Real Madrid player lak luh thar Kylian Mbappe chu a hmasa berah a thlang. Player tha chungchuang anih thu a sawi.

“A hmasa berah chuan Kylian Mbappe hi ka thlang ang. Amah nen hian kan khel dun tawh a, player mak danglam tak a ni. Ka duh hle.” tiin Mbappe chungchang a sawi.

Silva hian Man City lama a teammates te atangin thlan a nei lova, amaherawhchu, Arsenal atangin player pahnih a thlang thung.

A hmasa zawka a thlan chu Declan Rice a ni, Ani hi Emirates lam a pan hma khan Man City nena sawi zawm alo ni ve hman.

Rice mai bakah Silva chuan William Saliba a thlang a, defender tha tak a ni tiin a sawi nghe nghe.

“Midfielder pakhat ka thlan dawn chuan, Declan Rice hi ka thlang ang. Amah hi ka duh tak zet, tun tumah hian City players te ka sawi dawn lova, Defender lamah chuan William Saliba ka thlang leh bawk ang, defender tha tak a ni in ka hria” tiin a sawi bawk.

Scroll to Top