Manchester City striker Erling Haaland chuan Lionel Messi chu footballer ropui ber anih thu a sawi chhuak a. Amah ai tha player dang an pian chhuah hma ngeiin football chawlhsan se tih a duh niin a lang. Season hmasa lamah khan Man City ace hi che tha viau mahse, Lionel Messi chuan 2023 Ballon d’Or-ah Haaland hi a hneh a ni.
Hriat angin 2023 khan Haaland hi chawimawina hrang hrang heng Ballon d’Or, FIFA the Best Men’s Player of the Year te dawng tura rinkai ber a ni a. Man City tan a season hmasa berah match 53 atangin goal 52 lai a khung a, City a treble pui bawk.
Ballon d’Or-ah pawh rinkai ber ni mahse, a dawng lova, top 3-ah Kylian Mbappe nen an lang ve a ni.
Haaland hi UEFA Champions League round of 16-a Copenhagen an hmachahwn tur chungchangah media ten an kawm a, hetah hian Inter Miami captain Lionel Messi chu footballer ropui ber anih thu a sawi tel, footballer tha dang an rawn chhuah tak tak hmain football chawlhsan ngei se tih a sawi tel.
“Football khel tawh zawng zawng zingah Messi hi player ropui ber a ni. Ani aia tha player dang an rawn chhuah hmain football hi chawlhsan tum rawh se.” tiin Haaland chuan Marca a hrilh.
Tunah hian Lionel Messi chuan Ballon d’Or vawi 8 lai a dawng tawh a, dawng tam ber ala ni mek. Erling Haaland pawhin Ballon d’Or hi engtikniah emaw chuan ala dawng ve ngei a rinawm.
