Goal khungtu nih hi football-ah chuan a pawimawh hle, tun tumah hian 2023/24 chhunga Europe top 5 league atanga goal khung hnem te kan rawn tarlang ve leh dawn a ni.
Season hmasa khan Erling Haaland chuan he award hi alo dawng tawh a, Manchester City tan inelna hrang hrangah match 72 a inlan atangin goal 36 lai mai a khung a, an treble bawk. Top five-ah Harry Kane (30) Kylian Mbappe (29), Alexandre Lacazete (27) leh Victor Osimhen (26) an lang ve bawk.
Tun tumah hian tun season khelh meka goal khung hnem zual top 10 te kan rawn tarlang ve leh dawn a ni.
10. Dusan Vlahovic | Juventus | 15 goals
Summer transfer hnuhnung berah khan Juventus chuan Chelsea striker Lukaku nen swap an lo tum hman a, mahse, Allianz Stadium lamah hian a cham chhunzawm ta a ni. tun season khelh mekah a che tha ang reng a, tunah hian goal 15 a khung mek.
9. Borja Mayoral | Getafe | 15 goals
Mayoral pawh Getafe tan a che tha hle, tun season khelh mekah goal 15 a khung ve mek.
8. Ollie Watkins | Aston Villa | 16 goals
Ollie Watkins hi Lion manager Unai Umery hnuaiah a che tha viau a, season hmasa lamah pawh khan Premiere League bikah goal 15 a khung tling a ni.
7 Jude Bellingham | Real Madrid | 16 goals
Carlo Ancelotti hnuaiah Bellingham pawh hi a che tha an reng a, Real Madrid-a Zidane leh C Ronaldo record neih match 10 atanga goal 10 thei record chu anih rual pui.
6. Lois Openda | RB Leipzig | 17 goals
5. Erling Haaland | Manchester City | 18 goals
Tun season khelh mekah Haaland hian season hmasa lam a pha lutuk lova, mahse, tunah hian Premiere League bikah goal 18 a khung mek a ni.
4. Serhou Guirassy | Stuttgart | 20 goals
3. Kylian Mbappe | PSG | 21 goals
Mbappe’an PSG a zawm hnuah season tin goal 24 vel a khung tling ziah a, season hmasa khan league bikah goal 30 a khung tling a ni.
2.Lautaro Martinez | Inter | 23 goals
Lautaro Martinez hian Serie match khelh mekah goal 23 lai khung mekin, Europe top 5 league atanga goal khung tam ber pahnihna a hauh mek.
1. Harry Kane | Bayern Munich | 27 goals
Tun season khellh mekah Harry kane chuan league goal 27 lai a khung tling a, Europ inelna bikah league goal khung hnem ber a ni mek.
