Jamie Carragher chuan tun season Premiere League khelh mekah Manchester City chuan Liverpool leh Arsenal khumin Premiere League nomawi an chawi leh dawn niin a sawi.
Tun season-ah hian team pathum te hi an che tha hlawm em em mai a, table-ah an point hmuh pawh a inthlau lo hle. Tunah hian nomawi chawi theihna chance an la nei vek a, chak loh a thiang tawh lo. Klopp leh a naute hian point hmu sang berin point khatin hma an hruai mek. Arsenal hi pathumnaah awmin pakhatna hi point 2 chauhin an phak lo a ni.
Carragher chuan Monday Night Football-ah Premiere League nomawi chawitu tura a rin team te a sawi a, Klopp hian squad a neih that chungchang ti hian a sawi.
“Liverpool hian bench atang ringawt pawhin league nomawi hi an chawi thei ang, a chhan chu Klopp hian englai pawhin substitute 5 a hmang thin a ni.” tiin Livepool chungchang a sawi hmasa.
Amaherawhchu, Carragher chuan a team hlui te chu Premiere League nomawi chawi tur chuan a ringlawk duh bik lo. Pep Guardioala leh a naute chuan a zawnin a vawi 4 na atan an chawi leh dawn niin a sawi.
“Manchester City hian tun season Premiere league hi an chawi ka ring, nizan lawkah khan Liverpool ka ring deuh a, mahse, City hian an chawi ngei ka ring.” tiin a sawi.
Manchester City lam hi an che tha ang reng a, an game hnuhnung 12 ah unbeaten run annei mek. Chutiang bawkin Liverpool lam pawh an che tha a, Arsenal lam pawh away game hnuhnung 3-ah goal 5 emaw a ai tam an khung bawk.
Nomawi chawi an tum tak tak anih chuan team pathumte tan tlawm a thiang tawh lova, hnehna chan ngei ngei a pawimawh hle. A hmuhnawm chho viau turah ngai ang.
