Zlatan Ibrahimovic chuan football history-ah player ropui ber (GOAT) a tih hming a sawi a, Lionel Messi leh Cristiano Ronaldo erawh anni lo.
Swedish superstar Ibra chuan legendary attacking player a thlang a, World Cup nomawi vawi 2 chawitu Ronaldo Nazario chu football history-a player ropui ber a nih thu a sawi.
Kan hriat angin Lionel Messi chuan a vawisarihna atan 2021 Ballon d’Or a dawng leh a, Cristiano Ronaldo ai pahnihin a dawng tam zawk a ni. C Ronaldo hian Ballon d’Or 5 a dawng ve.
Kum 10 chhung teh meuh mai Lionel Messi leh C Ronaldo hian football khawvelah a tha ber nihna an hauh tawh a, chawimawina hrang hrang an lo dawng tawh a ni.
Lionel Messi chu a game khelh danah fak viau mahse, kumin Ballon d’Or erawh Robert Lewandowski’an dawn a phu hle niin Zlatan Ibrahimovic hian a sawi.
“Leo hi football-ah a cheng a, mahse, kumin Ballon d’Or erawh Lewandowski hian a phu tak zet” tiin Ibrahimovic chuan Corriere della Sera a hrilh.
Camp Nou lama Ibrahimovic’an hun a hman season khatnaah khan Lionel Messi nen an lo awm dun tawh a. Mahse, Brazilian Ronaldo chu Argentine aiin a ropui zawk niin Zlatan hian a ring.
“An pahnih hian an chak hle. Messi pawh hi ka sawi ang, a chhan chu kan khel dun tawh.”
Brazil Ronaldo hian a ram tan match 98 a khelh atangin goal 62 lai a khung tling a, 2002 FIFA World Cup Final-a Germany an hmachhawn tum pawh khan goal hnih khungin 2-0 in hnehna an chang. Kum 1994 pawh khan World champion anni a, Ronaldo hi player pawimawh tak pakhat a ni.
FIFA World Cup history-ah Ronaldo Nazario hian match 19 a khelh atang goal 15 khungin goal khung hnem lamah pahnihna a ni. Goal khung hnem ber chu Miroslav Klose a ni a, goal 5 in a khung tam zawk, mahse, Ronaldo Nazario aiin game a khel tam thung.
Ronaldo Nazario hian Ballon d’Or vawi 2 dawng vein, kum 1997 leh 2002 ah khan a dawng a, kum 1996, 1997 leh 2002 ah te khan Best FIFA Men’s Player award a dawng bawk.
Club level-ah pawh a hlawhtling thawkhat viau, FC Barcelona tan La Liga nomawi 2 a chawi a, Inter Milan tan UEFA Cup a chawi bawk.
Source SL