Zlatan Ibrahimovic chuan Manchester United chu aan khumin, Red Devils hian an hunkal tawh ngaituah lovin tun huna an chet that hi a ngai tiin a sawi. Tunah hian Manchester United in Sir Alex Ferguson chhuah hnuah a vawi 5 na atan manager thar an zawng leh dawn a ni.
Hmun tamtakah “Manchester United DNA” chu Ole Gunnar’an a ti hmingchhia tih hmuh tur a awm nual. Mahse, Ibrahimovic chuan Red Devils hian England leh Europe lamah hlawhtlinna an chang duh a nih chuan an hun kal tawha an hlawhtlinna an hriat reng thin kha an paih a, a thara an intuai thar a ngai tiin a sawi.
“Hun liam tawh an sawi tam mah mah, United lama ka kal lai khan, ka thil sawi chu, hetah hian tun hun chauh focus turin leh keima story tur atan chauh ka focus a ni, mahse, hunkal tawh i sawi tam lutuk chuan hrui valha awm ang i ni. Tun hun chauh hi ngaihtuah tur, a nih loh chuan hospital-ah kalin i lu va tih fai tir rawh.” tiin Zlatan Ibrahimovic chuan a sawi.
Zlatan Ibrahimovic hi Manchester United-ah khan kum 2 tha takin a hmang a. Red Devils chu League Cup leh Europa League nomawi a chawi pui a ni. United lama season khat a hmannaah Ibrahimovic hian goal 17 a khung nghal nghe nghe.
“England lamah hian experience ropui tak ka nei, Mancheste United hi club mak dangai tak a ni, trophies pahnih kan chawi. Premiere League hian qualities dangdai tak a nei. Khawvel player tha ber i nih pawhin pace leh rhythm i nei thei lovang.” tiin a sawi bawk.
Source SL