Real Madrid star Karim Benzema chuan Zinedine Zidane’an Spanish club a chhuahsan mai chu a hrilhhaithlak hle tiin a sawi.
Kar hmasa khan Los Blancos lam chuan Zidane’an club a chhuahsan thu an confirm a, hei hi Atletico Madrid laka 2020/21 La Liga nomawi an chan hnu lawka thil thleng a ni.
Benzema chuan a hmain, Zidane hi Real Madrid-ah la awm zel rih se tih a duh thu alo sawi tawh a, a vawihnihna atan a rampui pa in club a chhuahsan leh mai chu a tihrilhai hle niin a sawi.
“Zizou hi englai pawhin ka hnungah a awm reng thin, min tan a, hetiang level thleng pha thei tur hian min puih nasa hle.” tiin Real Madrid striker Karim Benzema chuan a sawi niin Goal in an tarlang.
“Nitin mai hian a chungah ka lawm zel ang. Real Madrid a chhuahsan mai chu min tihrilhai hle mai. A chhan chu manager ropui tak a ni a, trophies tamtak a chawi tawh.” tiin a sawi bawk.
Source SL
Read More (Harry Kane atan City in an player pahnih an offer)
Kar hnih liamtaah khan Harry Kane chuan Premiere League lama a la awm duh thu Tottenham Hotspur a hrilh a. Man City, Man Utd leh Chelsea chu a kal theihna tur zingah an langsar hle.
England captain Harry Kane hian hian City zawm chu a duh a rinawm lova, a tum pawh a rinawm lo. Mahse, Pep Guardiola team City lam chuan lak luh an duh thung, Harry Kane hi Kevdin de Bruyne pawhin teammate nih pui a chak a ni.
Monday-a report pakhatin a tarlan dan chuan player 8 lai mai ten tun summer transfer window-ah hian City an chhuahsan dawn niin a tarlang. League nomawi chawi mahse, an player 2 chu Harry Kane lak luh nan hman an tum niin a tarlang bawk.
The Sun chuan Raheem Sterling leh Gabriel Jesus hi deal an neih turah an tel a ring.
Spurs hian Harry Kane man hi an tih tlawm a rinawm lova, amah ang player dang lak luh leh nan chuan sum tamtak sen a ngai dawn tih an hria. Hei vang hian Harry Kane man hi an tih to viau a rinawm.
Season liamtaah khan Raheem Sterling chuan Premiere League goal 10 a khung a, Champions League final-ah pawh khan a start. Chelsea lakah duh angin a che tha vak lova, kha vang khan Etihad Stadium lamah a tla na vak tawhlo niin a lang.
2020/21 season-ah khan vawi 28 lai a start a, February thla atang khan goal 1 chiah a khung a ni.
Gabriel Jesus pawh league-ah game 22 a start a, City tana Brazilian player start tam ber a la ni. Duh angin a che tha lo. Manchester City player chhuak tur zingah a tel ve a ni.
Tottenham lam hian an manager hlui Mauricio Pochettino chu PSG atang an lak luh leh theih chuan Kane pawh hi City-ah a la cham rih an beisei.
Spurs boss hlui Mauricio Pochettino hi kum 2019 khan Jose Mourinho’an a thlak a, tunah hian North London lamah kir leh tur anga sawi mek a ni.
January thla chauhah khan Pochettino hian Thomas Tuchel a thlak a ni. Mahse, Parc des Princes lamah hian a hlim lo, Real Madrid nen sawi mek a ni bawk.
Source Sportbible