Zidane’an Premiere League midfielder la lut turin a club hlui Real Madrid a kawh hmuh, mahse, lak luh a ni lo – Report

Zinedine Zidane’an Premiere League player la lut turin a club hlui Real Madrid a kawh hmuh niin Diario Gol in a tarlan dang, hei hi Real Madrid manger anga a awm lai kha a ni. Kan hriat angin Zidane hian Real Madrid chu Champions League vawi 3 lai mai a chawi pui a, Bernabeu Board lamah a player duh a sawi niin Spanish outlet hian a tarlang.

Zidane’an Real Madrid a enkawl lai khan Los Blancos lamin player tha an la lut nual a, Mahse, Zidane’an lak luh tura a duh Board lama a thlen erawh lak luh a nilo. Kha tihlai a Zidane player duh chu Leicester City star Youri Tielemans hi a ni.

Leicester City star Tielemans hi season hmasa khan King Power Stadium lamah a che tha ang reng hle a, European club lian te pawhin lak luh an duh nual niin report hrang hrang hmuh tur a awm.

Real Madrid lam pawhin an midfield tih chak an duh avangin midfielder thar an mamawh a. Tielemans pawh an duh zingah a tel. Mahse, an lak tum hmasak ber erawh a ni lo, Bernabeu lam hian Borussia Dortmund atanga Jude Bellingham lak luh chu an tum ruh hle bawk.

Tunah hian Toni Kroos’an Real Madrid chhuahsan a tum hnai tawh a, Luka Modric pawh hi nakum lamah chuan kum 38 laia upa a ni tawh dawn. Real Madrid hian an star pahnih thlakna tur hi an ngaihtuah vat a ngai dawn niin a lang. Club lamin Aurelien Tchouameni leh Eduardo Camavinga la lut ve bawk mahse, hei aia thuk zawk player an mamawh. Zidane’an a player duh, alo sawi Tielemans hi an en that leh a ngaih hmel.

Tunah hian Real Madrid in Tielemans hi an thlithlai reng niin repor thenkhat chuan a tarlang.

Real Madrid in Jude Bellingham lak luh pawh an tum a, mahse, hei hi thil awlsam tak a ni lovang, kum 19 a upa Englishman hi mi tamtakin an duh huai huai a, lak luh erawh a harsa deuh maithei.

Source SL