Real Madrid manager hlui Zinedine Zidane chuan chona thar atan France coach nih chiah a duh tawh niin an sawi a, mahse, Didier Deschamps hian World Cup zawh thleng ala enkawl dawn avangin, a nghah rih a ngai dawn.
Real Madrid coach hlui Zidane hi Didiee Deschamps thlaktu tura rinkai ber ani mek.
France lama report thenkhatte tarlan dan chuan Zidane hian national team tih loh team dang enkawl tur an awm tawh loh thu leh a suangtuahnaah France chauh a awm thu a sawi niin an tarlang.
Didier Deschamps’an France chu 2020 Euro atang tlak hma pui viau mahse, Nakum maia neih tur FIFA World Cup-ah khian Deschamps chuan France ala enkawl dawn tih confirm a ni.
Euro 2020 khel mekah hian France chu champion tura rinkai ber ni mahse Switzerland lakah penalty shootout hmangin 5-4 in an tlawm a ni.
Euro 2020 atang France an tlak hnuah Zidane chu Deschamps thlaktu tura rinkai ber a ni.
Mahse French Football Federation president Noel Le Graet chuan Didier Deschamps hian hunreilote chhung chu France hi ala enkawl rih ang tiin Nilaini (Wednesday) khan a sawi.
Le Graet hnenah Nakum World Cup khelh turah khian Deschamps hian France ala enkawl ang em tih zawhna an zawt a, ani chuan, ‘Chhanna chu, ala enkawl ang’ tiin a chhang.
“Nilaini khan kan inhmu a, minutes 3 chhungin kan chingfel nghal. Chak zawk leh tha zawka enkawl chhunzawm ala duh a ni” tiin Graet chuan a sawi.
Kum 49 a upa Zidane hian France coach nih a duh tak tak chuan a tlem berah kum khat tal a nghah rih a ngai dawn a ni.
Kum 2012 atang khan Didier Deschamps’an France hi a enkawl tan a, France history-ah coach ni rei ber ani mek. Nakum December thla khian a contract neih a zo ve ang. Qatar a World Cup Khelh zawh hun a nih chu.
France tan Zidane’an match 108 a khekh atangin goal 31 a khung a. 1998 World Cup nomawi a chawi pui a ni.
Source Mail Online