Real Madrid manager hlui Zinedine Zidane thlaktu tur Los Blancos lamin an sawi chhuak niin Report in an tarlang.
Zidane thlaktu zingah hian Antonio Conte, Mauricio Pochetinno leh Raul Gonzales te an langsar hle. Tun hnai interview naah Zidane chuan Real Madrid a chhuahsan chhan sawiin, club lamin amahah rinna an neih tawh loh thu a sawi a nih kha.
Spanish club lian Real Madrid hian an manager hmun ruak hi a rei hmain an lak luh vat a rinawm a, 2021/20 pre season khelh hmain an lak luh ngei a rinawm. Hei hi kan hma lawka UEFA European Championship leh Copa America tournaments an khelh hma a ni.
Zinedine Zidane’an Real Madrid hi vawi 2 a enkawl a, hemi chhung hian trophies 11 lai mai a chawi hman a ni. Hei vang hian Zidane thlak chu thil awlsam a ni dawn lova, mahse, Cadena SER tarlan dan chuan Carlo Ancelotti hi Santiago Bernabeu lama kir tur anga rinkai ber leh kir duh tura an rin niin an tarlang.
UEFA Champions League nomawi vawi 13 lai chawi tawhtu Real Madrid chuan Everton manager Carlo Ancelotti hmuh an tum niin an sawi. Toffees lam hian kum 61 a upa Ancelotti hian Real Madrid offer a pawm chuan tiin amah thlaktu tur pawh an zawng der tawh niin an sawi.
Ancelotti hian 2013 leh 2015 inkar khan Real Madrid tan trophies 4 a chawi tawh a, tah hian 2013/14 Champions League nomawi pawh a tel.
Transfer expert Fabrizio Romano sawi dan chuan Everton leh Real Madrid te chu hemi chungchangah an inbe dawn niin a sawi. Tunkar chhung hian La Liga club lian Real Madrid manager thar tur an hriat ang.
Source SL