Chelsea goalkeeper Edouard Mendy’an 2021 Lev Yashin Trophy a dawn loh chungchangah Patrice Evra chuan a ngaihdan sawiin, a dawn loh chhan chu a vun rawng vang niin a sawi.
Evra chuan Mendy’an he award hi a dawn loh chhan ber nia a ngaih chu European football-ah chi leh chi inthliarna ala awm rih vang niin a sawi. Gianluigi Donnarumma hian a lawmman dawn hi a dah hlut vak pawh a ring lo niin Patrice Evra chuan a sawi.
Evra hian organizers lam a bei chiam mai a, hei mai bakah African Cup of Nations lam an dah hniam chungchang pawh sawiin, chi inthliarna a awm vang niin a sawi.
“Goalkeeper chungchangah pawh nise, Edoard Mendy hi khawiah? African Cup pawhin zahtu a nei lo, Zawng kan nih avangin tumahin he competition hi an zah lo. Khelhna club kan chhuahsan chiah hian competition kan nei ve, kar thum vel club chhuahsan a, he cup kan khelh chiah hian competion kan nei, a chhan chu Africa hian hmun kan nei zim lutuk. Mahse, thil hi ala danglam ang, ala danglam chiang khawp ang.” tiin Patrice Evra chuan uar takin a sawi.
Kan hriat angin Stamford Bridge lamah Edouard Mendy hian thla 12 chhung teh meuh mai tha takin hun a hmang a, UEFA CHampions League nomawi an chawi bawk. Hneh takin Chelsea goal veng mahse, PSG goalkeeper Gianluigi Donnarumma hnenah he award hi an hlan a ni.
Yashin Trophy-ah hian Mendy chuan pahnihna dinhmun hauhvin, pathumnaah Jan Oblak a awm ve bawk. Jan Oblak hian season hmasa khan Atletico Madrid chu La Liga nomawi a chawi pui a ni. Donnarumma hian season hmasa khan AC Milan tan eng club nomawi a chawi lo a ni.
Edouard Mendy hi France-a piang ni mahse, a ram Senegal tan a khel a, hetihlai hian Patrice Evra erawh Senegal lamah piang mahse, France tan a khel thung. Mendy hian a ram tan vawi 16 a khel tawh a, January ni 9 a tan tur Africa Cup of Nations-ah pawh a ram tan a din leh ngei a rinawm.
Source SK