Zaniolo an Juventus a zawm mai ang tih ka hlauhthawng ru hman hle – Mourinho

Transfer bazar liamta khan Nicolo Zaniolo leh Juventus te sawizawm an hlawh hle a, Roma manager Jose Mourinho pawh in Zaniolo an AS Roma a chhuahsan mai ang tih a hlauhthawng ru hman hle.

Italian midfielder Zaniolo hi season hmasa Europa League final a Roma in Feyenoord an hneh tuma goal khungtu kha a ni a, Roma in kum 14 hnua nomawi an chawi leh hmasak ber tum an tawng.

Transfer bazar hnuhnung ber khan kum 23 a upa chungchangah titi a tam em em a, European club lian hrang hrang te nena sawizawm niin chung zingah chuan Juventus chu Zaniolo lalut tura rinkai ber anni. Roma manager Jose Mourinho pawh in a player hma hun eng tak nei chuan club dang a pan san mai ang tih a hlau hle.

”Kan tana player pawimawh tak a ni a, thiamna leh theihna sang tak nei a ni bawk. Mi fel tak a ni a, training na ah a thawkrim in a tlai ngai hek lo, a lakah hian buaina ka neilo hrim hrim. Transfer bazar inhawn lai khan a chungchangah titi a tam em em a, club hotute’n thuchiang tak an sawi theilo bawk nen, kei pawh khan Juventus lam a pan mai ang ti ka hlauthawng ru hman hle nghe nghe” tiin Portuguese coach Jose Mourinho chuan Zaniolo an club a chhuahsan mai ang tih a hlauh rilruk thu a sawichhuak.

Tun season kal mek ah Roma hian league game 6 an khelh atangin point 13 an hmu tawh a, table ah 5-na dinhmun an luah mek.

Related Posts

error: Content is protected !!