Zanin zanlai (15th Feb, 2023) dar 1:30 ah Champions League Round Of 16 first leg inkhel hmuhnawm tak thlir tur a awm dawn a, France champion PSG in an khelmual Parc des Princes ah German champion Bayern Munich an lo mikhual ang.
PSG hi Coupe de France atanga Marseille in an petchhuah hnuin league ah 3-1 in AS Monaco an ngam lo zui a, 2020-21 UEFA Champions League champion Bayern Munich hmachhawn turin an inpuahchah tha tawk lo hle.
Season hmasa khan PSG hi Round Of 16 ah UCL nomawi kawl mek tu Real Madrid chuan an pet tla anih kha, tun season ah erawh Messi, Neymar leh Mbappe te ho hian a tum khat nan PSG tan UCL nomawi chawi ngei an tum ang. France champion hian tun season ah home game 15 atangin vawi 12 an chak a, vawi 3 an khingpuite an inhnehtawk pui bawk. An record en in Parc des Princes ah Bayern Munich hian game awlsam tak an beisei thei lovang.
Hliam nei nia kan hriat Messi leh Mbappe te chu Bayern Munich hmachhawn tur PSG squad ah an tel a, Renato Sanches leh Nordi Mukiele te erawh naktuk zan hian an inlan lovang.
Bayern Munich lam hian a tum sarih nan UEFA Champions League chawi leh an tum dawn a, tun season ah hian hlen thei tak ang maw? Julian Naglesmann team te hian an game hnuhnung 3 ah hnehna an chang fai vek a, PSG hmachhawn tura an inbuatsaihna pawh a tha viau e.
European inelna ah Bayern Munich record a chhe lova, tun season 10 liamta chhung khan Round of 16 tum kua lai an lut.
German champion tan hian Manuel Neuer a inhliam avangin January transfer window a an lakluh Yann Sommer chuan match a start a rinawm a, hliam avangin Ryan Gravenberch, Noussair Mazraoui, Lucas Hernandez leh Sadio Mane te chuan PSG an hmachhawn thei lovang.
Paris Saint-Germain Predicted XI:
Donnarumma; Hakimi, Marquinhos, Ramos; Mendes; Pereira; Ruiz, Verratti; Neymar, Messi, Mbappe
Bayern Munich Predicted XI: Sommer; Cancelo, De Ligt, Upamecano, Davies; Goretzka, Kimmich; Sane, Musiala, Coman; Choupo-Moting