Zanin zanlai / naktuk zinglam dar 1:30 ah Europa League Rouund Of 16 Play Off Round 2nd leg khelh a ni dawn a, Manchester United in an khelmual Old Trafford ah Barcelona an lo mikhual ang.
Man Utd hi Premier League ah point 49 nen table ah pathumna anni mek a, Barcelona lam erawh point 59 nen Laliga ah hmahruiatu anni mek thung. Team pahnnihte hian an game hnuhnung 5 ah tlawm hmel an hmu lo ve ve a, Red Devils lamin vawi 3 hnehna an chan laiin Blaugrana lam erawh vawi 4 an chak a ni.
Team pahnihte hian Camp Nou a 1st leg an khelh tum khat 2-2 in an inhnehtawk a, an inhmachhawn hnuhnung vawi 5 ah erawh Spanish team lam hian vawi 3 hnehna an chang a, English team hi vawikhat an chak ve bawk.
Barca hian Old Trafford a an lengluh match hnuhnung 5 ah vawi 4 lai mai an tlawm a, chutihrualin tun hnai bera an lengluh 2019 ah erawh 1-0 in hnehna an chang thung.
Man Utd hian an khelmual Old Trafford ah European competition a an game hnuhnung 11 ah tum hnih chauh an tlawm a, heng match hnih te erawh Spanish team lakah an tlawm.
English forward Marcus Rashford chuan UEFA Europa League ah minute 76 tina goal khung ziah ang a ni a, he inelna a score rating nei tha ber a ni. 2019-20 atanga chhiarin Robert Lewandowski hian European competition ah game 32 a inlan atangin goal 38 a khung tawh a, he hun chhung hian ani aia Europe inelna a goal khung tam an awm lo.
Injury news : Red Devils lam atang hian 1st leg a inlan lo Marcel Sabitzer leh Lisandro Martinez te chu 2nd leg ah chhawr theih anni dawn a, chutihrual chuan hliam avangin Van de Beek leh Eriksen te chu zanin zanlaiah an inlan ve thei dawn lo. Tin, Martial, Antony leh Maguire te dinhmun pawh hriatchian a nilo bawk. Barcelona lam ve thung hi; hliam avangin Demebele leh Pedri te chu Old Trafford ah an inkhel thei dawn lova, Gavi pawhin suspension a tawh avangin zanin hian a team te a tanpui thei dawn lo.
Man Utd Predicted XI – De Gea, Dalot, Varane, Martinez, Shaw, Casemiro, Sabitzer, Sancho, Fernandes, Rashford, Weghorst
Barcelona Predicted XI – Ter Stegen, Alba, Christensen, Araujo, Kounde, Roberto, Kessie, De Jong, Fati, Lewandowski, Raphina