Zanin zanlai / naktuk zinglam (23 Feb, 2023) dar 1:30 AM ah RB Leipizg leh Manchester City te chuan UEFA Champions League last 16 1st leg an khel dawn a, Red Bull Arena ah team pahnihte an inhmachhawn ang.
Leipzig hian Group F a pahnihna ni chungin group stage match an khar a, City lam erawh in Group G a pakhatna niin knockout round an lut thung.
Leipzig hi point 39 nen league table ah 5-na anni mek a, Premier League champion City lam erawh point 52 nen league table ah 2-na anni mek thung. Team pahnihte hian an game hnuhnung panga ah vawi thum ve ve hnehna an chang a, tum khat an khingpuite inhnehtawk pui in tum khat ve ve an tlawm bawk.
UEFA Champions League history ah Leipzig leh City te hi tum hnih an lo inhmachhawn tawh a, vawi khat ve ve hnehna changin heng game 2 atanga goal lut zawng zawng belhkhawm chu goal 12 lawih a ni a, chuvangin zanin zanlai ah pawh goal tam kan hmuh beisei phawt ang.
City hian UCL Round of 16 a German club an hmachhawn hnuhnung match 17 ah tum khat chiah an tlawm a, heng match zawng zawng atanga an goal khung zat belhkhawm chu goal 44 a ni.
Injury news – German team RB Leipzig lam atang hian Schlieck, Diallo, Olmo leh Gulacsi te chu hliam avangin City an hmachhawn thei dawn lova, mikhual team lam atangin De Bruyne, Stones leh Laporte te pawh zanin hian damlohna leh hliam avangin Red Bull Arena khelmualah an hmel kan hmu dawn lo bawk.
RB Leipzig Predicted lineup:
Blaswich; Klostermann, Orban, Gvardiol, Raum; Schlager, Laimer; Szoboszlai, Forsberg, Werner; Nkunku
Manchester City Predicted lineup:
Ederson; Walker, Akanji, Ake; Rodri, Bernardo; Mahrez, Gundogan, Foden, Grealish; Haaland